Dadio Kaji Sing Sabar Lan Kudu Akeh Sabare

Nyong nulis judul neng nduwur, dudu aku pan nasehati njenengan kabeh. Nyong pengin nasehati awake dewek. Latihan sabar, tur kudu sabar. Eben kajine bisa nggawe senenge kanca batiran Lan diniati kabeh sing dilakone pengin olih ridhone gusti Allah. Nyong nulis, yah sadar. Sing arane sabar kuwe angele por. Tapi, kudu dipaksa. Eben uripe nyong ora dadi susahe wong liya. Urip kuwe kuda ana usahane. Ne, pengin diarani wong sing masih urip. Sebab wong urip butuh mangan, sandang, papan lan kumpul bareng karo wong liya. kabeh mau bisa hasil, sebab ana usaha. Ora kur meneng tok.

Sing arane sabar, ya kudu ana usaha. Arane usahane yaah "sabar". Ora kakean ngomong lang ngresula, ora seneng nyritakena ora apike kanca, gelem diatur lan ora seneng ngomong sakarepe dewek.

Baca Lainnya :

• MTs. Al Ikhlas Losari adakan kegiatan jalan sehat jelang PPDB0
• Pentingnya Mengedepankan Akhlakul Karimah Bagi Santri0
• Nahdliyin Brebes Siap Menghadapi Pemilu 20240
• NU Bulakamba Gelar silatcam kader penggerak NU sekaligus pelantikan pengurus MWCNU dan PRNU0
• Mapaba PK PMII Al Masruriyah Al Hikmah Benda 2, Bentuk Kader Mahasiswa Mutakid0

Nyong dadi kelingan, omonge wong tua, ngomong sabar kuwe gampang ucape, angel nglakonane. Senajan angel ya kudu dilakone, aja ditinggal atawa didelengena tok. Engkone dadi ora sabar.

Wong sabar kuwe enake nggo dewek. Sing rasakena ya dewek. Olih untung yaah kanggo dewek. Tur, wong sabar kuwe bisa ndadekena senenge wong liya.

Nglakone sabar kuwe dudu mung sadina rong dina, sabar selawase urip. Ora kur sabar dang pang mangkat kaji tok. Padahal jarene wong sing wis kaji, neng kana godaane gede nemen. Hawane panasan, ana apa bae, pengine jengkelan.

Wong sing biasane menengan neng umah, neng kana bae bisa jengkel. Wis pokoke kudu ati-ati kabeh. Aja nganggep remeh masalah sabar kuwe. Pang mangkat kaji, akeh wong ngomong ora enak?, yah sabar. Ora usah di ladeni atau diwales. Engko malah dadi rumyang. Geger lan ngisin-ngisina.

Ngantri pang numpak bis, sing Islamic center tekan embarkasi yah sabar. Wis ana sing ngatur. Ora susah melu-melu. Apamaning ana kancane suwe nemen, dang maning kamar cilik (WC), yah kudu dienteni. Aja melu nyalah kena, toli nggayami. Melas, mbokatan tersinggung toli dadi tukarane. Ora apik, kaji ko, gaweane tukaran. Mbokatan diarani kaji ketek. Naudubillah min dalik.

 Dipriksa kesehatane neng embarkasi, kudu sabar. Ditakone doktere ya jujur. Ora usah pada nggrundel. Toli ngomongi pirang-pirang. Pokoke meneng bae lan nurut. Pang numpak kapal mabur, kudu sing sabar, antri mlebu maning kapal. Njagong neng korsi nomere bener, terus ora pada riwa riwi neng njerone kapal.

Mudun sing kapal, ya antri. Ora susah ribut nggoleti koper, engko ya ketemu.

Bar kuwe antri maning diperiksa paspore. Wis antrine dawe nemen, mriksa suwe pisan, tur sing mriksa karo ndopok.

 Ora mikiri sing dipriksa wis kesel nemen. Neng kono yah kudu sabar, nurut bae eben lancar. Pokoke kudu dieling-eling bareng, saben nglakoni apa bae, kudu pada sabar lan kudu sabar. Monggo bismilah senau sabar. mugi-mugi saged sabar, anggeni kulo lan panjenengan nglakoni rukun lan wajibe haji. Amin.

Penulis: H Lukman Nur Hakim, M.Pd. (Ketua LTN NU PCNU Brebes)

Editor: A’isy Hanif Firdaus